Кантарионот одамна е познат кај нашата нација по неговите лековити ефекти. Еден начин да се користи кантарион во текот на целата година е да се направи масло од кантарион.
Маслото од кантарион главно се користи во воспалителни процеси на кожата, за третман на полесни повреди, благи изгореници, црвенила предизвикани од изгореници од сонце, отоци од убоди од инсекти, за масажа при ревматски проблеми. А во гинекологијата се користи во форма на вагинални супозитории или како тампон натопен со масло, како одлично средство за дезинфекција против бактериски инфекции.
Маслото од кантарион се прави на едноставен начин, па еве како можете да го направите дома.
Состојки:
- грст кантарионови гранчиња
- маслиново масло
- тегла
Подготовка:
Кантарионот се бере кога цвета. Исечете ги растенијата со нож или ножици, така што коренот ќе остане во земјата за следната година. Собраните растенија врзете ги во сноп и закачете ги некаде за да преноќат. Растенијата не се мијат. Наутро, ставете ги гранчињата во измиени и исушени тегли, а потоа прелијте ги со маслиновото масло.
Во традиционалната медицина се користи маслото од кантарион, кое се подготвува така што со врвовите од ова растение се полнат три четвртини од стаклена тегла или соодветно шише, а потоа се прелива со маслиново масло.
Се препорачува да се користи квалитетно ладно цедено маслиново масло. Затворете ги теглите со капак или гума и хартија. Оставете ги теглите да отстојат 45 дена. Маслото треба да добие карактеристична црвеникава боја.
После тој период, процедете го маслото и исцедете го од растенијата. Со инка и газа истурете го маслото во шишиња, а потоа чувајте го на соодветно место. Да се чува на суво, ладно и темно место. Не треба да се чува на сонце или во фрижидер. Вака подготвеното масло од кантарион може да се користи во текот на целата година, до следната жетва на кантарион.
За што е добро и како се користи маслото од кантарион?
Маслото од кантарион може да се користи за надворешна употреба и за јадење. Одличен е за кожата па може да се користи за нанесување. Ја заштитува кожата и ги спречува воспалителните процеси на неа. Помага и ја храни чувствителната, сува и испукана кожа. Може да се користи и за масажа.
Се користи за опуштање на мускулите и помага при слаба циркулација. Маслото од кантарион не треба да се користи како заштита од сонце, бидејќи е фотосензитивно и може да предизвика промени на кожата, но доколку имате изгореници од сонце, тогаш е корисно.аслото од кантарион е подеднакво добро за изгорениците и заздравувањето на рани, а се користи и за каснување од инсекти. Се нанесува на лицето како природен лек против акни, а помага и при ревматизам. Маслото се користи и за лекување на хемороиди.
Кантарионот е добар за желудникот и против депресија. За болки во стомакот и за смирување потребно е да се пие по 1 лажичка масло од кантарион три пати на ден, половина час пред јадење, со малку течност или да се стави на коцка шеќер и да се цица.