Јадење кое се подготвува во посебни пригоди, но може да биде и дел од дневното мени.
Состојки:
- 150 гр филе свинско месо
- 2 глави кромид
- 3 Пиперки
- 30 гр Печурки
- 50 гр. путер
- 2 страка праз
- 3 средни домати
- Сол
- Бибер по вкус
За преливање:
- 1 јајце
- 150 гр. сирење
Подготовка:
Месото се пржи на средна температура додека не порумени. Потоа се става во чинија. Во истото масло се динстаат пиперките, кромидот, празот и печурките. Додадете околу 100 мл топла вода и оставете да се динста најмалку 10 минути.
Потоа ставете ги однапред изблендираните домати. Посолете ја смесата и измешајте. Ставете го претходно испрженото месо со зеленчук и динстајте уште 15 минути на средна температура. Додадете бибер.
За да се згусне смесата, можете да ставите малку брашно измешано во шолја вода. Смесата се става во подмачкан сад за печење и се пече во рерна на 180 степени 25 минути. Кратко пред да го извадите од рерната околу 7-8 минути, прелијте врз јадењето јајце измешано со сирење и потпечете до крај.
Пријатно!
