Ова сочно печиво полно со фил е чист деликатес.
Веќе пишувавме за универзалното тесто кое не се разликува многу од ова тесто за лепчиња, но овој начин на подготовка ќе овозможи меки и свежи печива и следниот ден.
Состојки (за 20 лепчиња):
- 550 грама брашно
- 6 грама сув квасец
- 120 мл. вода
- 120 мл. млеко
- 50 грама путер
- 1 цело јајце
- 1 кесичка ванила
- 2 лажици шеќер
- чоколаден крем
За глазура:
- 2 лажици вода
- 4 лажици шеќер во прав
Подготовка:
Во сад измешајте ги сите суви состојки: брашното, квасецот, ванилиниот шеќер и шеќерот. Во друг сад истурете млеко, вода, малку изматено јајце и на крај изладениот растопен путер. Сега ставете ги течните состојки во сувите и измешајте се.
Месете со раце додека тестото не стане мазно и меко. Оставете го тестото да нарасне во намастен сад покриен со фолија половина час и во топла средина. Расукајте го тестото и обилно премачкајте го со крем. Свиткајте од долгата страна и исечете го на кришки дебели околу 2-3 см.
Откако ќе го направите ова, оставете ги така лепчињата да киснат уште еден час. Печете на 180 степени околу 30-35 минути. За глазурата измешајте вода и шеќер во прав и премачкајте ги топлите и печени крем лепчиња.
