Ви подготвивме еден многу едноставен рецепт за еден повеќе од вкусен десерт.
Состојки:
- 500 гр. лупени јаболки (исецкани на парченца од 1 сантиметар)
- 180 гр. брашно (пресеано)
- 1/2 прашок за пециво
- 2 жолчки
- 130 мл млеко
- 1 лимон
- 50 гр. путер
- 100 гр. шеќер
- 1 паковање ванилин шеќер
- прстофат сол
Подготовка:
Олупете ги јаболките, пресечете ги на четвртини и исчистете ги од семето. Секоја четвртина дополнително сечете ја на парчиња со дебелина од 1 сантиметар. Ставете ги во сад и прелијте ги со лимонов сок.
Во длабок сад измешајте пресеано брашно, прашок за пециво и сол. Измешајте ги убаво состојките и оставете го садот на страна.
Во друг сад изматете две жолчки заедно со шеќер и ванилин шеќер. Матете убаво за шеќерот да се стопи а смесата да стане посветла. Потоа додадете 25 грама стопен путер и млеко. Кога смесата ќе се изедначи прекинете со матење.
Полека додадете го брашното што го подготвивте во првиот сад и мешајте со лажица додека се соединат сите состојки. Оставете на страна.
Земете кружен плех за печење (или калап за торти), обложете го со хартија за печење и ставете малку масло. Истурете ја смесата и убаво израмнете ја одозгора. Потоа врз смесата наредете ги парчињата јаболка, парче по парче подредени во круг.
Остатокот од маслото (25 грама) стопете го и во него додадете лажица шеќер, добро измешајте ги и прелијте ги врз јаболките.
Печете на температура од 185 степени Целзиусови, околу 30 минути, односно се додека не порумени. Кога ќе биде готова тортата извадете ја од фурна и оставете да се олади.
Пред служење, насечете ја на еднакви триаголници и посипете ја со шеќер во прав или цимет. По желба може да додадете шлаг пена.
На здравје!
