Со помош на овој рецепт ќе направите вечера за 20 минути, а резултатот ќе ги воодушеви домашните.
Ви претставуваме еден многу едноставен рецепт за вкусна вечера. Подгответе компир на потполно нов начин. Ќе го засакаат дури и оние кои досега одбиваа да го јадат, бидејќи ова јадење е фантастично.
Потребни состојки :
- 500 гр компир
- сол по потреба
- 1 јајце
- 1 шолја брашно
- масло
- 100 гр кашкавал (сечен на тенки листови)
- 1/2 домат
*По желба, во полнењето можете да додадете и шунка.
Начин на подготовка:
Исечете ги компирите на средни парчиња, ставете ги да се сварат, посолете и покријте ја шерпата. Кога ќе се свари, прецедете ја водата, испасирајте го компирот како за пире од компири, посолете, додадете брашно и јајце и добро измешајте. Замесете го тестото со раце и поделете го на 2 дела.
Загрејте масло во тава. Ставете една половина од тестото, истегнете го до рабовите со рака (треба да биде како палачинка, за да го покриете дното). Наредете го кашкавалот и доматот исечкан на прстени. По желба, во полнењето можете да додадете и шунка. Намаслете ги рацете и земете ја другата половина од тестото и покријте го полнењето од домат и кашкавал (тегнете до рабовите).
Покријте ја тавата и печете на средна топлина околу 7 минути. Потоа со помош на чинија свртете ја палачинката да се испече и од другата страна.
Пријатен апетит!
Извор: stvarukusa.mondo.rs