Овој десерт е одличен за кога ќе пристигнат гостите и немате многу време да се подготвите.
На сите нас ни се случило ненајавени гости да пристигнат буквално во еден момент, и да немаме апсолутно ништо да им послужиме. Поучна ситуација. Одбравме за вас рецепт за вкусен десерт кој не се пече, и се подготвува за тој час.
Состојки:
- 200 гр шеќер во прав
- 200гр путер или маргарин
- 200гр мелени бисквити
- 3 јаболка
- 5 банани
- 250 мл слатка павлака
- 200 гр чоколадо за готвење
Подготовка:
Изматете го путерот со шеќер во прав, па додадете ги бисквитите, ренданите јаболка и 3 пасирани банани. Половина од смесата распоредете ја убаво на дното од тавата / послужавникот / садот, така што ќе изгледа како кора, а потоа наредете ги прстените од преостанатите банани.
Остатокот од смесата ставете го врз бананите и обликувајте убаво. Изматете павлака и измешајте ја едната половина со растопено чоколадо, па прелијте врз тортата а потоа, нанесете ја преостанатата павлака над чоколадниот фил и украсете по вкус. Ставете во фрижидер малку да се стегне и послужете им на гостите.
Уживајте!
