Повкусно не сте пробале.
Состојки:
- 300 гр праз
- 600 гр излупени компири
- 100 гр чадена сланина
- 250 грама брашно
- 150 мл вода
- 100 мл бело вино
- 140 гр маргарин
- магдонос
- 150 мл кисела павлака
- 3 јајца
- 1 главица кромид
- 1 лажица мешавина од зачини
- 4 супени лажици бело вино
- масло, сол, мелен црн пипер
Подготовка:
Исечете ја главата кромид на тенки полукругови. Исечете ги компирите на тенки кругови. Исечете го празот на тенки коси кругови. Магдоносот ситно се сечка. Исечете ги лентите од сланина на помали коцки. Во тава на врело масло пропржете го исечканиот кромид.
Кога кромидот ќе омекне, во тавата додајте ја исечената сланина. Кога ќе се испржи сланината се додава сечканиот праз, се прелива бело вино, се додава смесата од зачини, сол, бибер и се меша. Потоа додадете сечкан магдонос, компири и измешајте. Кога ќе се испржат компирите, тргнете ја тавата од шпоретот.
Во поголем сад ставете ги брашното, маргаринот, солта и со рака изматете ги состојките, постепено додавајќи вода. Оставете го тестото да одмори во фрижидер 20 минути. Потоа тестото го преместуваме на набрашнета работна површина и го делиме на еден поголем и еден помал дел.
Од поголемиот дел од тестото со сукало расукајте поголема кора. Ставете ја кората во керамички сад за печење, оставајќи ги краевите да висат надвор од садот. Потоа од помал дел од тестото расукајте кора со големина на керамичкиот сад. На неколку места избоцкајте ја кората со вилушка. Потоа врз кората го нанесуваме филот од тавата.
Со мал кружен калап направете тркалезна дупка во средината на помалата кора. Покријте го филот со кората. Завртете ги краевите на првата кора кон внатрешноста на садот.
Скршете едно јајце на половина и одвојте ги белката од жолчката. Намачкајте ја питата со изматена жолчка со помош на четка за готвач. Печете 40 минути во рерна загреана на 180 степени.
Во садот со киселта павлака изматете ги преостанатите 2 јајца и изматете ги со жица за матење. Извадете го садот од рерната. Со лажичка исипете ја смесата со јајца и павлака во вдлабнатината во питата. Вратете го садот во рерната. Печете уште 10 минути на 190 степени.
Француската пита со компири може да се декорира по желба, со гранче копар или нане ставено во средината.
Пријатно!
