Посната јафа ќе го изненади вашето семејство и ќе го убеди дека со посна храна може да се подготват одлични десерти, колку што се вкусни и мрсните. Нема разлика! Проверете сами!
Состојки:
- 4 шолји бело брашно
- 4 чаши пченичен гриз
- 2 чаши шеќер
- 100 грама мелени ореви (или рогач, мелен афион, кокос)
- 1 ванилин шеќер
- 1 прашок за пециво
- рендана кора од лимон и портокал
- 4 чаши вода
Повеќе:
- 100 грама суво грозје
- 3 лажици гриз
За прелив:
- 4 чаши шеќер
- 4 чаши сок од портокал
- 1 портокал
Подготовка:
Сувото грозје прелијте го со топла вода и оставете околу десет минути да набабри. Процедете го и измешајте со гризот.
Сите горенаведени состојки за кората измешајте ги одеднаш, можете да изматете со миксер и оставете го тестото да отстои малку, околу 10 минути. Истурете во плех кој треба да биде претходно обложен со хартија за печење. Прелијте со суво грозје и печете во веќе загреана рерна на 170 или 180 степени (во зависност од вашата рерна).
Се пече околу 20 минути и за тоа време е потребно да се свари сирупот. Измешајте го сокот со шеќерот, додадете ги портокалите и варете околу 20 минути. Извадете го овошјето и прелијте го врелиот колач со врел сируп.
Оставете го колачот да се излади околу 15 минути, исечете го на коцки и оставете го да го впие сирупот. Печениот колач можете да го избоцкате со чепкалка за подобро да се впие. Најдобро е да го послужите за неколку часа или следниот ден.
Пријатно!
