Кога споменуваме школки, првото нешто што ми паѓа на ум е парче свежо печен домашен леб со кој ќе го собереме финиот сос од школките.
Одлични се без оглед на тоа како се подготвени, и покрај тоа, не се скапи и се готват многу кратко, па прават идеален брз, а од друга страна гурмански оброк. Комбинацијата на вино, лук, свеж магдонос и овие прекрасни школки ги освојуваат дури и најсложените непца.
Состојки:
- 1,5 кг школки
- 4-5 лажици маслиново масло
- 250 мл бело вино
- неколку гранчиња свеж магдонос
- 4-5 чешниња лук
- малку бибер
- 1 лимон
Подготовка:
Исчистете ги школките: изгребајте го влакнестиот дел од спојот на лушпата со тапата страна на ножот, како и лепилото однадвор, и секоја школка добро исплакнете ја во ладна вода.
Загрејте длабока тава или тенџере, додадете маслиново масло, ситно исечен лук и сецкан магдонос, малку бибер и промешајте кратко. Потоа додадете школки и исечен лимон.
Гответе така некое време, а кога ќе се отворат школките, додадете го виното и кратко варете ги. Ако сакате, додадете малку трошки од леб на самиот крај од готвењето и послужете веднаш. И не заборавајте да исечете многу леб!
Добар апетит!
