Ви носиме одлични совети од искусните домаќинки како да го решите проблемот со пукањето јајца додека готвите еднаш засекогаш.
Боењето и украсувањето јајца за најголемиот христијански празник Велигден е подеднакво забавно и за постарите и за младите. Сепак, можно е несакано пукање при готвењето, што го оневозможува правењето на саканите украси. Како може да се спречи ова? Еве неколку совети кои може да бидат корисни.
Најпрво важно е водата да не зоврива премногу и јајцата да имаат доволно простор за движење во шерпата. На тој начин нема да се судрат и да се оштетат. Некои дури полека ја промешуваат водата додека не зоврие, па ги оставаат јајцата да се варат неколку минути, па го исклучуваат огнот и ги оставаат во таа вода уште половина час.
Освен температурата на водата и јајцата, сигурно сте го слушнале советот дека една лажица оцет ќе спречи пукање на лушпата. Нема да биде лошо да ставите и две. Иако денес се многу популарни белите јајца, на кои боите секогаш изгледаат подобро, треба да знаете дека нивната лушпа е многу потенка, па може побрзо да пукаат при готвењето.
Ако и покрај се лушпата на крајот пукне, не очајувајте поради тоа, можете да ги икористите на пр. за француска салата или послужете ги за велигденски појадок.
Да се изберат совршени јајца за фарбање не е лесно, а иако побарувачката за домашни е толку голема, кои од нив се домашни, тешко е да се препознаат. Најчеста разлика во однос на индустриски произведените јајца е бојата на жолчките, кои се пожолти кај домашните животни.
При украсувањето на јајцата, важно е да внимавате кои бои ги користите. Одредени средства за боење, како оние во црвена и жолта, се забранети во храната за деца до три години, затоа дајте им на децата јајца обоени со природни бои како што се кора од кромид, сок од цвекло и слично.
Доколку не јадете јајца за Велигден, не чувајте ги премногу долго, бидејќи се таложат бактерии кои можат да го уништат празникот.
Како да знаете дека јајцата се свежи?
Ставете ги во вода и гледајте дали ќе потонат. Имајте на ум дека расипано јајце останува да лебди. Можете да го земете јајцето во рака и да го држите до увото.
Протресете го лесно и слушајте го звукот што доаѓа од внатре. Ако не слушате никакви звуци, јајцето треба да биде свежо и добро за консумирање. Ако јасно се слуша чукањето од јајцето, најверојатно е старо и не треба да го подготвувате за јадење.
Ако ставите јајце во сад со вода и тоа веднаш – како камен – потоне на дното, тоа значи дека е сосема свежо. Кога ќе скршите јајце, ако жолчката е оставена цела и ако е цврста, тоа значи дека јајцето е свежо, а ако се истури, не е добар знак, но не значи дека е расипано.
