Оваа зимска салата има неверојатен вкус, со сигурност ќе ја обожавате.
Состојки:
- 2 кг зелен домат
- 1 главица лук
- црн бибер во зрно (по вкус)
- ловоров лист (по вкус)
- 2 мали лажички сол по тегла
- 30 мл алкохолен оцет по тегла
Подготовка:
Најпрво исчистете ги доматите и насечете ги на покрупни парчиња.
Доматите редете ги во големи тегли со додавање на зачините, лукче, бибер и ловоров лист. Наредете еден ред домати па додадете ги зачините, потоа повторете ја постапката, се така наизменично додека ја наполните теглата.
На крај во секоја тегла додадете 2 лажички сол, 1 лажичка шеќер и 30 милилитри оцет. Налејте ги теглите со вода и затворете ги со капачиња. Протресете ги убаво сите тегли за да се растопи солта и шеќерот.
На крај пастеризирајте ги теглите, ставете ги во шерпа со вода и оставете ги да вријат околу 10тина минути.
Откако ќе проврат оставете ги малку да отстојат во топлата вода, а кога ќе почне да се оладува водата извадете ги теглите и завиткајте ги во ќебе или крпа и оставете ги така се додека потполно не се оладат.
Добар апетит!
