Направете ја оваа здрава верзија на домашен леб и уживајте во секој оброк.
Состојки:
- 350 грама интегрално брашно
- 150 грама обично брашно
- 1 кесичка сув квасец
- 10 грама сол
- 500 мл газирана вода
- 90 грама семки од тиква
- 40 грама семки од сончоглед
- 2 лажици чиа семе
- 2 лажици сусам
- 3 супени лажици овесни снегулки
- 2 супени лажици ленено семе
Подготовка:
На хартија за печење посипете семки од тиква и сончоглед и ставете во загреана рерна на 180 степени 10 минути. Потоа оладете ги. Измешајте брашно, сув квасец, сол. Измешајте ги сите семки и на крајот газирана вода. Месете 15 минути. Тестото излегува исклучително лепливо.
Оставете го тестото да нарасне еден час. Потоа обликувајте го во леб и ставете го на подмачкан плех. При обликувањето можете да додадете малку брашно за тестото да не се залепи премногу за прстите.
Намачкајте го врвот на тестото со вода и посипете со мешани семиња. Оставете да нарасне 20 минути, па ставете го во загреана рерна на 220 степени 40 минути – ставете го во долниот дел од рерната. По околу 25 минути покријте го со алуминиумска фолија за да не се препече.
Пријатно!
