Компирите и месото се комбинација која сите ја сакаат. Сега направете компири од рерна со млеко и послужете со месо или салата.
Вака подготвените компири можете да ги послужите со сланина, пржено месо. Сочно и вкусно ќе го збогати секој оброк, а како главно јадење можете да го послужите само со салата од зелка или печени пиперки. Лесно се подготвува и се пече само 20 минути.
Состојки:
- 600 гр компири
- 3 чешниња лук
- 2 лажици брашно
- 800 мл млеко
- 90 гр путер
- 150 гр тврдо сирење
Подготовка:
Сварете ги компирите во солена вода. Кога ќе се изладат исечете ги на прстени. Наредете ги во плех, посолете по потреба. Загрејте ги путерот и маслото, па додадете го сечканиот лук и малку пропржете.
Потоа додадете брашно, пржете 1 минута и истурете млеко. Гответе 2-3 минути на тивок оган. Додадете сол, бибер и црвен пипер. На крај додадете рендано сирење (100 гр.). Готовиот фил прелијте го врз компирот. Посипете со околу 50 гр рендано сирење. Се пече во загреана рерна на 190 ° C околу 20 минути.
Пријатно!