Коленица, вистинска зимска гозба! Не треба многу да се заморувате околу подготовката на ова месо. И резултатот: прсти да излижете и насмевка на лицето. Само внимавајте да не претерате!
Состојки:
- 1 свежо свинска коленица
- 4 главици кромид
- 2 чешниња лук
- 4 мали компири
- 100 гр сланина
- 4 моркови
- 2 пашканати
- 2 корени магдонос
- 1 целер
- 2 ловорови листови
- 1 лажичка сол
- 1 лажичка црн пипер
- лажичка слатка зачинета пиперка
- околу 3 дцл супа од зеленчук
- масло
Подготовка:
Измиеното коленица ставете ја во тенџере со вода и кога ќе зоврие извадете ја пената од површината. Додадете го исчистениот зеленчук за супата, една главица кромид малку запржен, лукот, два моркови, еден пашканат, еден магдонос, прстен од целер и еден компир. Додадете сол, бибер и ловоров лист, па варете околу еден час месото малку да омекне.
Додека коленицата се готви, направете сос од зеленчук и сланина. Кромидот ситно се сечка и се пржи на масло. Додадете ја сланината исечкана на коцки, па заедно пропржете да се ослободи маснотијата. Излупете го преостанатиот зеленчук, исечете ги на коцки и прстени и додадете ги кромидот и сланината.
Се динста, и потоа се додава супата. Кога малку ќе омекне, префрлете го зеленчукот во садот за печење, а од водата извадете ја коленицата и ставете ја врз зеленчукот. Истурете уште малку супа во која се вареше коленицата и печете околу 40 минути на 180 степени.
Пријатно!