Уживајте во овој вкусен и кремаст кокосов колач.
СОСТОЈКИ:
За кора:
- 4 поголеми јајца
- 5 рамни лажици шеќер
- 5 со врв полни лажици брашно
- 100 мл. масло
- 100 мл. вода
- 1 лажица какао во прав
- 1 лажица арома на рум (по избор)
- 1 прашок за пециво
- 1 ванилин шеќер
За фил:
- 1 литар млеко
- 5 лажици шеќер
- 5 лажици брашно
- 1 кесичка пудинг од ванила (или слатка павлака)
- 200 гр. кокосово брашно
- 150 гр. путер или маргарин (нека биде на собна температура или ставете го во топла рерна откако ќе ја испечете кората)
За глазура:
- 200 гр чоколадо
- 4 лажици масло
*Оваа торта може без глазура, посипете само малку кокос одозгора.
ПОДГОТОВКА:
Кора
Прво вклучете ја рерната на 200 степени, подгответе сад за печење со димензии 30х20 (приближно). Може да ставите хартија за печење или да го намачкате садот со масло и одозгора посипете со брашно.
Изматете ги белките во цврса смеса, постепено додавајте шеќер и ванилин шеќер. Промешајте за да се растопи шеќерот. Додадете ги жолчките на крајот, исто така со миксер изматете ги заедно со белките и шеќерот.
Додадете ги сите останати состојки, масло, вода, рум, брашно, какао, прашок за пециво. Нежно промешајте со маталка и истурете ја смесата во садот за печење. Веднаш ставете да се пече во претходно загреана рерна и печете околу 25 минути.
Фил
Млекото ставете го да се вари, да зоврие. Во длабок сад за готвење измешајте брашно, шеќер и пудинг со 200 мл млеко. Додадете ги состојки во зовриеното млеко измешајте и оставете да се излади смесата. Додадете путер кој претходно бил на собна температура и изматете се заедно со миксер.
На крај измешајте 150 гр кокосово брашно. Ако полнењето е во малку потенок слој, ставете го во замрзнувач половина час или во фрижидер еден час, за да се стегне.
Забелешка: Направете го ова само ако сте ја извадиле кората од плех и ја филувате тортата на подлога. Ако ја филувате тортата додека е во плехот, не мора да ја ставите во фрижидер.
Глазура
Истурете растопено чоколадо врз филуваната торта, посипете ја со преостанатите 50 гр кокос. Накратко ставете ја во фрижидер за да се стегне чоколадото.
Потоа насечете ја и сервирајте.Уживајте во вкусот.
Пријатен апетит!
Извор: stvarukusa.mondo.rs
