Оваа торта е многу лесна за подготовка, а ја сакаат и децата и возрасните!
Состојки:
За кора:
- 250 гр. мелени бисквити
- 70 гр. маргарин
- 500 мл. сок од портокал
За фил:
- 1 л млеко
- 8 лажици шеќер
- 200 гр. чоколадо за готвење
- 125 гр. маргарин
- 100 гр. шеќер во прав
- 250 мл. слатка павлака
- 10 гр. желатин
- 40 мл. вода
За декорација:
- 1 ред чоколадо за готвење
- 1 лажица масло
- чоколадни бонбони по желба
Подготовка:
Во сад за готвење ставете 800 мл. млеко на оган да зоврие. Во меѓувреме изматете ги пудингот и шеќерот во 200 мл. ладно млеко. Кога млекото ќе зоврие, сварете го изматениот пудинг и мешајте додека не се згусне.
Кога ќе згусне додадете ја искршената чоколада за готвење и мешајте додека не се растопи, па оставете ја целосно да се излади.
Соединете ги мелените бисквити, стопениот маргарин и сокот од портокал и замесете кора од смесата. На почетокот кората ќе биде потврда, но подоцна ќе го собере вишокот течност од кремот и ќе омекне.
Дното на калапот завиткајте го со фолија, па ставете го на плех. Протресете ја смесата за кора и рамномерно притиснете ја на плехот со раце.
Кога ќе се олади пудингот се мати маргаринот со шеќерот во прав. Во маргаринот се додава пудингот и се меша да се соедини. Изматете ја слатката павлака, па додадете ја во изматениот фил.
Желатинот се става во вода да набабри. Загрејте го желатинот да се раствори, никогаш да не се вари, потоа додадете две лажици од филот и сè соединете, па истурете ја смесата во кремот и измешајте. Добиениот крем прелијте го во калап врз кората и оставете го во фрижидер да се стегне.
Чоколадото растопете го со лажица масло и со него посипете го изладениот колач, па посипете го со чоколадни бонбони. Дополнително изладете ја тортата.
Добар апетит!
