Доколку ви треба идеја за брзо празнично мезе, ви предлагаме топчиња со сирење.
Секоја домаќинка може да ја изрази својата креативност во подготовката на празничното мезе. Она што е важно е да биде едноставно, евтино, а сепак убаво и вкусно. Овие топчиња може да се јадат во еден залак. За подлогата ви требаат фета и павлака, но можете да употребите и некое сирење по избор. Ви предложивме со што можете да наполните, но можете да ги додадете и состојките кои ги сакате. Исто така, можете да направите интересна комбинација од зачини, па да ги виткате во неа.
Состојки:
- фета сирење
- Кисела павлака
За полнење:
- праз
- спанаќ
- сусам
- маслинки
- шунка
Подготовка:
Соединете фета сирење и павлака и зачинете по желба. Исечкајте го спанаќот, исецкајте го празот, како и маслинките и шунката. Смесата поделете ја на 4 дела, а можете да ја поделите и на 5, доколку сакате да имате една смеса само со сусам.
Во секоја смеса додадете ги состојките кои сте ги подготвиле. Во едниот праз, во другиот спанаќ, во третиот маслинки, или доколку имате некоја ваша желба со некое друго полнење по вкус. Секое топче се витка во сусам.
Пријатно!
