Ако го следите овој рецепт за кнедли од супа, секој пат ќе испадне совршен.
Супата од кнедли е една од омилените, но не секој успева да направи совршени кнедли. Со овој рецепт веднаш ќе успеете. Не заборавајте да додадете масло во смесата, бидејќи тоа ќе помогне да не се залепат кнедлите. А белките задолжително да се изматат пенесто, па се додаваат жолчките. Така, сигурно ќе успеете секој пат.
Не морате да користите кнедли само во супа, можете да ги користите и при подготовка на грашок, но одлични се и ако ги ставите во гулаш.
Состојки:
- 1 јајце
- 1 лажичка масло
- прстофат сол
- 4 рамни лажици гриз
Подготовка:
Одделете ги белката и жолчката, а белката изматете ја додека не стане пена. Потоа додадете ја жолчката и измешајте да се соединат. Додадете масло и гриз. Нежно промешајте да се соедини, а потоа додадете уште една лажица гриз доколку е потребно.
Смесата треба да биде погуста, но не премногу густа. Оставете 10 минути смесата малку да набабри. Потопете една лажица во супата и земете од смесата, па ставете ја во супата. Не користете полна лажица бидејќи кнедлите ќе бидат огромни. Покријте и оставете да се свари и супата е готова.
Пријатно!
