Највкусно од највкусните. Нема некој што нема да се сети на овој специјалитет. Еве и да ве потсетиме да го направите.
Состојки:
- 500 гр јагнешко месо
- 500 гр. црн и бел јагнешки дроб
- јагнешка марамица
- 2-3 главици кромид
- 100 гр ориз
- 400 мл бело вино
- 2 лажички сенф
- 3-4 гранчиња сечкан магдонос
- малку сол
- малку сув зачин
- буковец
Подготовка:
Месото ставете го во тенџере со вода и малку сол да се вари околу 1 час. Сечканиот кромид испржете го во тава со загреано масло. Додадете го сечканото месо и зачинете со зачин од сув зеленчук и малку буковец.
Потоа додадете го оризот и продолжете со пржењето. Додадете сенф и пржете се додека состојките не се соединат. При крај додадете малку свеж сечкан магдонос.
Јагнешката марамица се става врз калап и се полни со добиената смеса. Истата постапка се повторува се додека не се потроши целата смеса. Сите парчиња наредете ги во тава премачкана со масло. Полејте ги со бело вино и печете во загреана рерна на 200 степени околу 1 час.
Откако ќе се испечат декорирајте со сечкан магдонос и додадете пекарски компир како прилог.
.