Колку е фантастично КФЦ пилешкото!
Одлично зачинето, само солено, секогаш толку крцкаво што не можете да му одолеете. Можете да ги похувате и батаците и белото месо, како и крилјата.
Состојки за пржење на 1,5 кг пилешко:
- 360 гр меко брашно
- 100 g скроб
- 1 лажица сол + 1 лажица масло
- 1 лажица шеќер
- 1 лажичка лук во гранули
- 1 лажица црвен пипер
- 1 лажичка бибер
- 1 лажица сушен лист од магдонос
- 1 лажичка сушен босилек
- 1/2 лажичка куркума
- 1/4 лажичка кари
- 1/4 лажичка ѓумбир во прав
- 3 јајца
- 300 мл вода
Подготовка:
Измијте го пилешкото, па ставете го во поголем сад. Посипете со една лажица сол и шеќер, па прелијте со вода да кисне. Оставете така да стои еден час.
Измешајте ги брашното и сите зачини. Поделете на два дела. Еден дел останува таков каков што е. Во другиот дел додадете ги јајцата и водата и сè убаво измешајте.
Потребен ви е подлабок сад но потесен. Истурете повеќе од половина литар масло и ставете да се загрее. Извадете го пилешкото и исушете го со крпа. Парче пилешко прво потопете го во течниот дел, малку протресете и потоа валкајте во мешавина од брашно и зачини, повторно истресете го вишокот.
Ставете да се пржи на малку повисок оган од средна температура. Пржете околу 13-14 минути. Исцедете го на хартиена крпа. Заедно со прженото пилешко КФЦ, можете да послужите слатка пченка со кисела павлака, салата од зелка и пире од компири или вкусниот зазики сос, таратор и сл.
Пријатно!