Доколку сакате брз појадок или вечера, направете домашни печива исполнети со зеленчук.
Сите сакаат домашни печива, особено ако подготовката е лесна, а вкусот е фантастичен. Наш предлог е овој исполнет со зеленчук, кој многу личи на ќофтиња. Соберете го семејството на маса и послужете топли печива со чаша јогурт, кој ќе го подготвите веднаш по работа. Тестото можете да го подготвите навечер и да го пржите наутро за брз појадок.
Состојки:
За тестото:
- 1 јајце
- 200 мл топло млеко
- 200 мл топла вода
- 10 гр квасец
- 1 лажица шеќер
- 1 лажичка сол
- 540 гр брашно
За полнење:
- 1 компир
- 1 виолетова главица кромид
- 1 црвена пиперка
- 2 зелени пиперки
- 1 китка магдонос
- 80 гр фета сирење
Подготовка:
Измешајте ги јајцето, млекото и водата, па додајте квасец и шеќер. Измешајте и оставете го квасецот да се активира околу 5 минути. Додадете просеано брашно и сол. Замесете тесто и оставете го да отстои околу половина час.
Изрендајте ги компирите, сирењето изгмечете го, а пиперката, магдоносот и кромидот исечкајте ги ситно. Додадете во тестото и сè добро соединете со шпатула.
Истурете го тестото во шприц за колачиња, а потоа истурете од шприцот во тава со загреано масло. Ако ви е полесно ставајте ја смесата со лажица ставите во загреаното масло. Пржете додека не добие златно кафеава боја и послужете топло со јогурт.
Пријатно!
