Направете ги овие вкусни ѓевреци за вашите најблиси. Секој ќе се слади од нивниот прекрасен вкус.
Состојки:
1 чаша = 250 мл
- 3 чаши брашно
- 1 лажичка сол
- 1 пакување. сув квасец или 20 гр. свеж
- 1/3 чаша масло
- 1 чаша вода
- 4 лажици меласа измешани со половина чаша вода
- сусам
Подготовка:
Во длабок сад ставете го брашното, на средина направете дупче и додајте квасец, сол и масло и полека додајте вода за да се замеси тестото.
Доколку користите свеж квасец, треба да се раствори со малку вода (од количината потребна за рецептот) и прстофат шеќер и да се остави да нарасне. Оставете го тестото да одмори еден час.
Кога ќе нарасне, малку го замесуваме на набрашнета маса и го делиме на 6 еднакви делови. Од секој дел направете топче и потоа виткајте го во тенка ролна. Фатете ги краевите (свиткани на половина, добивате две ролни) и свртете ги во спротивна насока од двете страни. Значи, свртете го крајот што го држите со десната рака надесно и со левата рака налево. Фатете ги краевите, притиснете ги да се залепат (да се добие форма на венец) и со прстите се витка малку само таму каде што се спојуваат краевите.
Во длабока чинија ставете ја смесата од меласа и вода, а во друга чинија сусамот. Ѓевречињата прво потопете ги во меласата, а потоа во сусамот и ставете ги во плех обложен со хартија за печење. Доколку немате меласа само потопете ги во вода и потоа во сусам. Оставете ги да одморат еден час.
Загрејте ја рерната на 220 степени и печете ги гевреците 25 минути.
Пријатно!
