Можете да ги грицкате без ништо или да се послужат како замена за леб!
Дали сакате крцкави солени грицки? Ако климате со главата потврдно, тогаш овие домашни солени крекери со чиа семе се вистинската работа за вас. Крекерите лесно се прават, а овие домашни се најздрави. Лесно ќе ви го заменат целиот оброк, особено ако сте на одредена диета, но уште поубави се како ужина во текот на денот.
Најдобро од сè, рецептот за овие крекери е брз и многу лесен за подготовка.
Состојки:
- 250 гр брашно
- 2 лажички сол
- 1 лажичка рузмарин
- 1,5 лажица чиа семе
- 1 лажичка прашок за пециво
- 120 мл вода
- 80 мл масло
Подготовка:
Во сад се ставаат брашното, солта, рузмаринот, прашокот за пециво, чиа семето, па се додава вода и 40 милилитри масло и се убаво се меша.
На работната површина посипете малку брашно, па замесете тесто и оставете го да отстои 10 минути. Со сукало развлечете го тестото до дебелина на палачинка.
Со кружен калап или некој друг по желба извадете форми од тестото, па наредете ги на плех претходно обложен со хартија за печење. Остатокот од тестото повторно замесете го, расукајте го, па повторете ја постапката.
Ставете ги крекерите во рерна на 220 степени 10 минути. Послужете ги топли, со маслинки и омилениот намаз со сирење. А може и со пивце!
Пријатно!
