Рецепт за панцерота без квасец со фил од шунка и сирење.
Позната италијанска панцерота, можете лесно да ја направите дома без квасец. Со овој рецепт можете или да ги пржите или испечете, како што сакате. Можете да ги послужите за појадок или вечера, ги сакаат и децата и возрасните. Во рецептот подолу, филот е направен од шунка и сирење, но филот можете да го ставите по желба.
Состојки:
- 2 чаши брашно
- 1 шолја јогурт
- 1 прашок за пециво
- 1 лажичка сол
- половина лажичка шеќер
Фил:
- 200 гр шунка
- 100 гр кашкавал
- 2 лажици сос од домати
Подготовка:
Измешајте ги сите состојки за тестото и замесете тесто. Направете 6 топчиња и оставете ги да отстојат околу 20 минути.
Во меѓувреме исечкајте ја шунката и изрендајте го кашкавалот, измешајте ги заедно со сос од домати. Секое топче израмнете го со сукало, потоа врз едната половина истурете ја смесата од шунка и кашкавал, преклопете и со вилушка притиснете ги краевите.
Ако ги пржите: Загрејте го маслото во тава и пржете ја панцеротата додека не порумени. Ставете ги на салфетка да се исцеди малку од маслото. Послужете додека е топло.
Ако ги печете: Оставете ги топчињата да отстојат 30 минути пред да ги израмните и наполните, загрејте ја рерната на 200 степени, одозгора премачкајте ја панцеротата со едно изматено јајце и печете ги околу 20 минути т.е. додека не пожолтат.
Пријатно!
