Најдобриот рецепт за домашен колбас. Сочен и вкусен.
Состојки:
- 1 кг мелено говедско месо
- 300 гр мелено свинско/овчо месо
- 6 чешниња лук
- 3 лажици црвена пиперка
- 1 лажичка мелена лута пиперка
- 1 лажичка мелен црн пипер
- 1 лажичка бел мелен пипер
- 1 пакување тенки свински црева за полнење колбаси
- сол по вкус
Подготовка:
Измешајте го меленото месо (двата вида), замесете со рака, додајте сечкан лук, слатката пиперка, лута пиперка, црн пипер, бел пипер, сол и сè убаво измесете со рака околу 10 минути.
Покријте со проѕирна фолија па оставете во фрижидер 24 часа. Следниот ден подгответе ги цревата за полнење. Едно големо парче црево натопете го во топла вода, исплакнете па повторно потопете ги во топла вода, потоа додадете малку јаболков оцет околу 50 мл, оставете да отстои околу 15 минути, исцедете ги и продолжете со полнење.
Колбасите наполнете ги со машина за полнење колбаси, или ако немате машина исечете едно пластично скоро до врвот кај грлото, во шишето ставете го месото а на грлото ставете го крајот од цревото и со истискување наполнете го цревото.
Избоцкајте ги колбасите со чепкалка за заби за да излезе воздухот. Вака подготвените колбаси ставете ги во фрижидер уште ден и пол. Потоа можете да ги замрзнете или да ги пржите веднаш.
Пријатно!