Меки кифлички по стар рецепт. Брзо и лесно се подготвуваат, без да се чека тестото да нарасне.
Домашните кифлички се секогаш пожелни на трпезата. Покрај тоа што децата ги обожаваат, тие се и одличен избор кога станува збор за послужување гости. Ви пренесуваме рецепт за брза подготовка на кифлички, за кој не е потребно долго чекање за да стаса тестото.
Состојки:
- 300 гр брашно
- 200 гр путер или маргарин
- 200 гр свежо сирење
- половина лажичка сол
Подготовка:
Во брашното додајте коцки омекнат путер, па замесете да добиете ронлива смеса. Додадете сирење и сол, па сè замесете за да добиете мазно тесто. Тестото поделете го на 3 дела, завиткајте во проѕирна фолија и оставете го во фрижидер петнаесетина минути да се стегне малку.
После тоа, тестото развлечете го на набрашнета површина. Поделете го на 8 или 12 триаголници, во зависност од тоа колку големи ги сакате кифличките, па замотајте го секој. Повторете ја постапката со преостанатото тесто.
Наредете ги во плех обложен со хартија за печење и печете ги во рерна загреана на 180 степени 15 до 20 минути или додека кифличките не добијат златно жолта боја.
Пријатно!
