Неверојатен изглед уште поубав вкус.
Направете ја оваа пита со месо за домашните или пак изненадете ги гостите со своите кулинарски способности.
Рецептот ни го испраќа Сузана Павловска.
Состојки:
- две пакувања готови кори (1 кг.)
- 500 – 800 гр. мелено месо (зависи колку сакате, јас ставив 600 гр. а можете да додадете и печурки)
- 1 праз (може да биде и обичен кромид)
- 4 – 5 лажици масло
- Мало парче целер
- мал морков
- малку листови магдонос
- сол
- бибер
- 300 мл. вода
За обложување:
- 5 јајца
- 50 мл. вода
- малку сусам, ким или други семки
- уште малку масло да се прелие ролатот.
Подготовка:
Кромидот, морковот и целерот се сечкаат, се рендаат и се се пржи на масло. Додадете месо, зачини, вода и динстајте 15 минути. Во врелиот фил измешајте го сечканиот магдонос. Оставете да се излади. Јајцата се матат со вода.
Намачкајте ја тавата со масло, ставете една кора, премачкување со јајца, друга кора, премачкување со јајца. Сега направете ролни. Премачкајте ја кората со премазот, па повторно кората, премазот и филот со месо. Виткајте и наредете на средината на тавата, т.е. на тие две премачкани кори моментално ни служат како подлога но на крај ќе ги свиткаме и обвиткуваме.
Наредете го првиот ред од четири ролни, премачкајте со јајце, па три ролни, премачкување, две ролни, премачкување и една ролна, премачкување. Значи 4, 3, 2, 1. Треба да направите пирамида. Преклопете со подлогата за кора, добиениот ролат премачкајте го со јајце и задолжително посипете со масло.
По желба посипете со семки и оставете да отстои неколку минути, непосредно пред да се загрее рерната. Се пече на 180 степени околу 40 минути. Топлата пита посипете ја со 50 мл ладна вода, поклопете и оставете кратко да отстои. Исечете и уживајте.
Пријатно!
Слики на Сузана Павловска.