Подгответе еден прекрасен семеен ручек.
Состојки: ( за 6 порции)
- 1 домашна кокошка
- 400 гр ориз
- 1 домат
- 1 глава кромид
- 30 мк масло
- сол
- 1,2 л буљон од варената кокошка
Начин на подготовка:
Домашната кокошка одзема многу повеќе време за варење. Ставете ја во длабоко тенџере, залејте ја со вода и ставете ја да се вари 3,5 часа на тивок оган, додеке не омекне доволно.
Откако ќе се свари, се вади од тенџерето и се остава да се олади. За тоа време, добиениот буљон т.е. водата од тенџерето се прецедува и се зачинува со сол.
Кромидот се сецка на ситно и се става во длабока тава со масло (30мл) да се динста. Кога ќе омекне кромидот кон него се додава внимателно измиениот ориз (400гр). Откако оризот ќе стане транспарентен, се долива 1/3 од прецедениот буљон. Оризот се готви се додека не ја впие течноста.
Кокошката се припрема и се одделуваат крилцата, барачињата и белото месо.
Во огноотпорен сад (длабока тава за печење) се истура оризот и врз него се редат парчињата месо од кокошката. Помеѓу деловите месо се става по едно парче од претходно излупениот и насечен домат. Вака поставеното јадење се прелива со преостанатата течност од буљонот.
Се става да се пече во претходно загреана фурна на 180 степени и се остава да се пече 1 час, додека оризот не омекне и не ја поприми течноста од буљонот.
Јадењето се сервира додека е жешко.