Многумина ќе се сложат дека Апетитката е едно од најубавите јадења од зимницата. Го прават нашите мајки, баби а сега можеме и ние со овој убав рецепт.
Состојки:
- 5 кг црвени домати
- 300 гр пиперка
- ½ кг рендан морков
- 200 мл оцет
- 1 лажичка шеќер
- 100 гр крупна сол
- 300 гр масло
- 1 пакетче црн бибер
Подготовка:
Доматите попарете ги со врела вода за да се оддели лушпата. Се вади лушпата од доматите и се мелаат.
- Advertisement -
Во тенџере ставете ги да зовријат а потоа по 15 минути, додадете ги ренданите моркови, оцет, шеќер, сол, масло. Варете уште 45 минути со постојано мешање. Пред да тргнете од оган, додадете го пакетчето бибер и претходно печените пиперки.
Додека се уште е жешко, истурете ја апетитката во врели тегли. Теглите треба да се завиткаат во ќебе и да се остават да се изладат.
