Овој пијалок е многу едностваен за подготовка и нема да ве чини многу пари. По вкус многу нликува на швепсот, озвежителен е и содржи колемо количество на витамин Ц.
Голема предност е што може да го правите во секое време од годината.
Состојки:
- 2 грејпфрути
- 6 портокали
- 2 лимони
- 1,5 кг шеќер
- 1 кесичка лимонтус
Подготовка:
Прво, добро измијте го овошјето и потоа ставете го во врела вода во која сте додале малку сода бикарбона и оставете го да стои неколку минути, со цел да се отстранат сите нечистотии од лушпата.
Потоа, смелете го овошјето заедно со кората и ставете го во длабок сад. Додадете 12 литри ладна вода, шеќер и лимонтус и оставете го да отстои околу 24 часа. Мешајте повремено, за да се стопи целиот шеќер.
После тоа време, процедете ја смесата низ газа. Добиениот сок ставете го во добро измиени и стерилизирани шишиња и затворете ги убаво со капачиња. Оставете ги шишињата да стојат на студено.
Ако сакате, можете да го разредите швепсот со газирана вода, само во тој случај наместо 1,5 кг. шеќер, додадете повеќе во зависност од вашиот вкус.
Пијте го што е можно повеќе, бидејќи не е премногу витаминот Ц!!!
