Сладоледот е омилено летно уживање.
Доколку сте љубител на сладоледот и сакате да експериментирате кога станува збор за вкусовите, направете го овој вкусен и кремаст сладолед од јатки, што е вистинско летно освежување.
Состојки:
- 50 гр лешници
- 50 гр бадеми
- 20 гр ореви или ф’стаци (излупени)
- 500 мл свежо млеко
- 250 мл слатка павлака
- 150 грама шеќер
- 5 жолчки
- 2-3 капки арома горчлив бадем и лешник (или само една од двете)
Подготовка:
Смелете ги јатките на мали парчиња и истурете млеко и слатка павлака во нив. Ставете ја смесата на шпоретот на умерен оган, и истурете 100 грама шеќер во неа и варете 5-6 минути, често мешајќи.
Тргнете ја смесата од плочата за готвење и оставете ја да стои покриена 1 час, по што е потребно да се процеди.
Изматете ги жолчките со преостанатиот шеќер (50 грама). Истурете ја мешавината на млеко во нив и ставете ја на пареа со постојано мешање 5-6 минути. Температурата не треба да е многу висока.
Ако сакате, додадете повеќе измелени јатки во смесата за сладолед. Смесата потоа се става во контејнер погоден за замрзнување, кој е херметички запечатен и се става во замрзнувач најмалку 4 часа. (Во текот на првите два часа, потребно е да се промешува смесата 30 минути).
Уживајте!
