На сите веќе им е јасно дека природните сокови што се продаваат во продавниците и не се така природни. И се почесто се свртуваме кон домашните сокови и нектари, толку често приготвувани пред години, а неодамна заборавени.
Затоа Ви подготвивме рецепт за домашен нектар од праски, без никакви бои и конзерванси. Рецептот за нектар од праска е одлична идеја за вкусен овошен пијалок што можете да го подготвите за кратко време дома. Толку е вкусен што никој нема да може да остане рамнодушен.
Нектарот од праска може да се сервира и конзумира веднаш, да се чува во фрижидер еден ден или да се флашира и стерилизира за зимата.
Потребни состојки:
- 2 кг праски
- 1/2 чаша шеќер (чаша за чај)
- 2 лимони
Начин на подготовка:
Првиот чекор во рецептот за нектар од праска е мелење и подготовка на праските. Добро е праските да бидат добро зрели и сочни плодови. Најпррво добро измијте ги, излупете ги и исчистете ги од семки. Потоа смелете ги во мазно пире со помош на процесор за храна или мелница.
Измерете ја количината на добиено пире од праска (на пример, со помош на чаша за чај), истурете ја во големо тенџере и додадете иста количина вода (мерете со иста чаша).
Додадете цеден сок од два лимони и шеќер, мешајте додека шеќерот не се растопи. Количината на шеќер е индикативна. Можете да додадете повеќе шеќер ако нектарот од праска не е доволно сладок за вашиот вкус, или намалете го доколку ви е премногу сладок.
Третиот чекор е изборен. Ако одлучите да го консумирате нектарот во рок од еден ден или два, во овој случај чувајте го во фрижидер.
Но, доколку планирате да го подготвите нектарот за претстојната зима, во овој случај, истурете го нектарот во шишиња, добро затворете и варете 25-30 минути. За време на готвењето шишињата со нектар треба да бидат целосно покриени со вода.
На здравје!