Изгледа дека ракијата може да се користи и при подготовка на велигденските колачи. Ракијате користи за премесување на тестото, но не при замесување!
Потребни состојки:
- 1 кг брашно
- 200 гр. свежо млеко
- 350 гр. шеќер
- 0,300 мл. масло + путер
- 1 кесичка сув квасец
- 3 кесички ванилин шеќер
- 5 јајца
- 1 лажиче ракија
- кора од еден лимон
Начин на подготовка:
Јајцата, шеќерот, ванилиниот шеќер, маслото и млекото се матат со миксер. Во сад за печење просејте го брашното и додадете ја смесата и останатиот квасец (квасецот се меша со една лажичка шеќер, брашно и околу 100 гр топла вода).
Замесете тесто и месете го околу десет минути. Се остава да стаса на топло место околу еден час додека волуменот не се удвои. После тоа премесете со додавање ракија и лимон, поделете го на три еднакви дела кои ги претворите во метарски јазол кој потоа ќе го исплетете во плетенка.
Се редат во кружен сад за печење, се премачкува со жолчка измешана со две лажици масло и убаво се посипува со шеќер. Оставете повторно да нарасне за да се зголеми тројно. Ставете да се пече во рерна на пониска температура на 140 степени околу 20 минути.
Добар апетит!