Домашиот мазник традиционално се прави со тегнење на користе кои треба да се минимално тенки и развлечени. Мазникот се пече во тепсија каде полните кори се поставуваат во форма на полжав.
Состојки:
За тесто:
- 1/2 кг брашно
- вода по потреба
- 1 квасец
- 2 лажички шеќер
- 1 лажичка сол
За фил:
- кромид,
- спанаќ,
- зачин,
- урда
Начин на подготовка:
Квасецот се подготвува со малку шеќер и лажица млака вода и се остава на топло со цел да стаса.
Откако ќе стаса во голем сад се истура на средина од брашното, се додава сол и се меси со вода. Се остава вака на топло садот да отстои тестото додека не надојде, околу 30-45 минути.
Откако ќе стаса тестото, се дели на топчиња во иста големина од кои секое ќе биде кора. Корите се сукаат и се тегнат до состојба во која ќе бидат тенки како хартија. На средина од секоја од корите се додава фил.
Филот се подготвува така што на малку пропржен кромид се додава претходно обарен спанаќ исцеден од течностите и се пропржува 1-3 минути. Потоа се зачинува со сол и црн бибер. Откако ќе се тргне од оган во тавчето се додава урда и убаво се меша содржината.
Секоја тегната кора се полни со филот и со помош на платно се витка во мала ролничка. Секоја ролничка се реди во круг во кружна тепсија и се формира мазникот.
Мазникот се пече на температура од 200 степени, додека не се зарумени.
