Ќе уживате во комбинацијата на вкусови на овој рецепт за домашен леб.
Еве еден рецепт за домашен леб на малку поинаков начин. Ако имате сланина дома, пропржете ја и додајте ја во тестото. Кога ќе го испечете, цела куќа ќе мириса, а овој леб можете да го јадете без ништо, или со малку намаз како кајмак, ајвар…
Состојки:
- 500 гр брашно
- 1 кесичка сув квасец
- 150 гр сланина
- 1 главица кромид
- 100 мл млеко
- 200 мл млака вода
- сол
Подготовка:
Кромидот и сланината исечкајте ги на коцки и кратко пропржете ги во тава. Потоа ставете ги во сад со хартија каде ќе се впие вишокот маснотии. Измешајте го брашното со квасецот. Направете дупче во средината, додадете ги кромидот и сланината.
Млакото млеко посолете го, измешајте го со вода и постепено додавајте го и мешајте за да добиете мазно тесто. Обликувајте го во топка и покријте го, па оставете го така да нарасне.
После тоа се замесува, се обликува по желба и се става во намрсен плех или калап. Оставете да нарасне уште 15 минути. Печете во рерна загреана на 220 степени околу 30 минути, а потоа намалете ја температурата на 200 степени и печете уште 20 минути.
Пријатно!
