Необична комбинација која откако еднаш ќе ја пробате ќе се уверите дека навистина е совршено јадење. Одлична комбинација на вкусови, но и на мириси кои мамат и отвораат апетит.
Испробајте и пишете ни како ви се допадна овој наш предлог.
Состојки:
- 800 гр. свинско каре
- 100 гр. сланина
- 3 јаболки
- 1 главица кромид
- 500-700 мл. супа од коцки за супа
- малку мајчина душичка
- малку рендан ѓумбир
- масло за готвење
- малку сол,
- црн бибер
Подготовка:
Кромидот излупете го и исечете го на парчиња. Во подлабока тава, на малку загреано масло, на умерен оган , запржете го кромидот и ѓумбирот.
Сланината исечкајте ја не многу ситни парчиња и неа додадете ја во тавата. Свинското каре исечкајте го на парчиња со големина од 2-3 сантиметри.
Во тавата додадете го месото, зголемете ја температурата и пржете го се додека не зарумени.
Јаболката излупете ги, исечкајте ги и додадете ги во тавата со месо. Зачинете со мајчина душичка, сол и црн пипер и налејте од супата од коцка.
Тавата покријте ја со поклопец и динстајте на умерен оган околу еден час.
Добар апетит!
