Ако сакате да приготвите некое несекојдневно и интересно јадење еве еден предлог.
Пропржени полжави за некој се прекрасен специјалитет кој е малку заборавен. Французите ги јадат често и кај нив се приготвуваат на различни начини. Еве еден како би можеле да ги спремите сами дома.
Состојки:
- 30 големи полжави
- 2 главици кромид
- масло
- 1 лажичка брашно
- 1 лажичка црвен пипер
- оцет
- сол
Подготовка:
Полжавите ставете ти во тенџере, налејте ти со вода и варете ги околу половина час. Кога полжавите ќе се сварат исцедете ја водата, извадете ја кожичката и извадете ги од кукичката со игла за плетење или со некоја жичка.
Потоа отсечете им ги краевите (главите и опашките) измијте ги и ставете ги во оцет да стојат околу половина час. Во меѓувреме исечкајте го кромидот и пропржете го на масло, додајте малку брашно црвен пипер и уште малку пропржете.
Додајте потоа вода околу две чаши, посолете по вкус, ставете ти полжавите и варете ги уште десетина минути, додека водата да испари и на крај малку запржете ги полжавите. Полжавите се служат така приготвени а можете на крај да им додадете сецкано лукче и малку оцетче.
Пријатно!
