Ако сакате кнедли со сливи, сигурно ќе ви се допадне постарата, солена верзија. Овие два специјалитети се подготвуваат на сличен начин, а основната состојка е компирот.
Шишкрлини, лулеки, ваљушци… Секој си има свое име и сличен рецепт за подготовка на специјалитети од тесто од компири. Малку личат на њоки, а додека се уште се топли, може да се послужат како вкусен прилог со сосови или како вегетаријанско главно јадење со свежа сезонска салата или пак да ги послужите со нешто слатко. Тие едноставно одат со сè.
Состојки:
- 1 кг компири
- 2 жолчки
- 500 гр меко брашно
- малку сол
- 3 лажици сирење
- малку крем за преливот
- 50 гр презла
- масло
- сусам
Подготовка:
Компирите сварете ги со кора, а потоа излупете ги и изрендајте ги. Веднаш се замесува тесто, се додава сол, жолчките, сирењето и брашното и се замесува мазно тесто.
Потоа од тестото оформете ролати со дебелина до еден прст и исечете ги на должина од 3 см. Гответе ги во топла солена вода околу 5 минути, додека не испливаат и не бидат меки на допир.
Во шерпа се прелива масло, се додава презлата и сусамот и малку се пропржуваат, на умерен оган. Потоа сварените шишкрлини измешајте ги во мешавината од презла и сусам.
Послужете ги додека се топли како самостоен оброк или прилог, со додаток по желба. Може да ги послужите со чварки или пржена сланина.
Совет:
Кога ќе го замесите тестото, веднаш обликувајте го и сварете го бидејќи ќе стане премногу меко ако стои.
Замрзнување:
Подгответе ги шишкрлините до чекор 4. Наредете ги во плех и замрзнете ги 2 часа. Потоа пакувајте ги во вреќи и вратете ги во замрзнувач.
Одмрзнување:
Гответе ги замрзнатите шишклини понатаму според чекор 4 и измешајте ги со препечените презла и сусам.
