Полнетиот леб со колбаси и сирење е вистинско уживање за гурманите.
Кој друг може да одолее на полнетиот леб? Па дури и кога ќе го наполните со колбаси и сирење – тоа е вистинско гастрономско задоволство. Идеален е за појадок или како додаток на полесно јадење. Со овој леб, лутиот доматен сос оди совршено, а иако на прв поглед изгледа комплицирано, гарантираме дека ќе го направите побрзо отколку што мислевте.
Состојки:
За тестото:
- 100 мл топло млеко
- 100 мл топла вода
- 1 лажица шеќер
- 1 лажичка сол
- 5 гр сув квасец
- 300 гр брашно
- 2 лажици масло
За полнење:
- 500 гр колбас по избор
- 1 јајце
- 1 жолчка од јајце
- 150 гр рендано сирење
- 1 лажичка оригано
Подготовка:
Измешајте млеко, вода, шеќер, сол и квасец. Додадете брашно, кратко замесете, па додадете масло. Се замесува тесто, па се прелива уште малку масло и се покрива со проѕирна фолија.
Оставете да отстои околу еден час на топло место. Во меѓувреме испржете ги исечените колбаси. Кога тестото ќе нарасне, измешајте го уште малку, па развлечете го со сукало до дебелина од околу 2 см.
Премачкајте го со едно изматено јајце, врз него ставете колбаси, рендано сирење и оригано. Расукајте го тестото во форма на леб и премачкајте го со жолчка од јајце. Печете на 180 степени околу 50 минути додека не порумени.
Пријатно!