Ова е едно јадење кое брзо се подготвува, а потоа се крчка во рерна долго време. Месото е меко и се распаѓа.
Состојки:
- 1 кг говедско месо
- 2 глави кромид
- 3 моркови
- 3 чешниња лук
- 4 пиперки
- 2 помали домати исецкани на коцки
- 200 гр печурки
- 1 лажица сув зачин
- 100 мл масло или маст
- 1/4 лажичка сол, половина лажичка бибер
- 1 лажица мелен црвен пипер
- 1 лажица сушени листови магдонос
Подготовка:
Исечете го месото на поголеми коцки. Загрејте го маслото на силен оган, па спуштете ги парчињата месо. Кога ќе се испржат парчињата месо веднаш ставете ги во садот во кој ќе го спремите гулашот.
Кога месото е готово, исечете го кромидот на коцки, а морковот на подебели прстени. Во садот во кој се пржеше месото ставете го кромидот, посолете малку и пропржете го неколку минути. Додадете го морковот и измешајте. Оставете го уште неколку минути.
Тргнете го од оган, па прелијте го ова врз месото. Отстранете ги семките од пиперката, па веднаш исечете ја и додадете ја во месото. Шампињоните исечкајте ги на листови и додадете ги. Потоа додадете ги и доматите исечкани на коцкички.
Додадете лук и зачини. Можете да ги користите овие, или можете да користите своја сопствена комбинација. Сега истурете вода во садот. Ако ставите повеќе вода ќе добиете чорбеста верзија, а доколку ставите помалку колку да се прелејат состојките ќе добиете погуста чорба. Изберете дали сакате повеќе или помалку вода.
Измешајте лесно и покријте и ставете во ладна рерна. Вклучете ја рерната на 200 степени и оставете 2,5 до 3 часа да се пече. По 2 часа, промешајте. Кога ќе го измешате, ќе видите дали е премногу густо, премногу ретко или точно за вашиот вкус. Очекувајте да го динстате јадењето уште половина час до еден час. Така ја регулирате водата. Можете да го оставите непокриено за да испари уште малку вода, или не мора. На крајот, се зависи од вас. По половина час до еден час се вади од рерна, се остава да „одмори“ околу 10 минути и дури потоа се сервира.
Пријатно.