Пробајте ја оваа грчка баклава и нема да зажалите.
Состојки:
- 600 гр кори за баклава
- 5 јајца
- 250 грама шеќер
- 1 шолја масло
- 1 кисело млеко
- 1 пециво
- 1 ванилин шеќер
- 350 грама мелени ореви
Сируп:
- 4 шолји шеќер
- 4 шолји вода
Подготовка:
Поделете ги корите на половина, изматете ги јајцата, додадете шеќер, масло, кисело млеко, прашок за пециво и ванилин шеќер. Се редат во плех една по една кора и секоја кора посебно се премачкува одозгора спремниот фил.
Кога ќе се потрошат 300 гр кори, во средината ставете 350 гр ореви и продолжете со редење понатаму на корите. На крајот наредената баклава исечете ја на коцки и ставете ја во рерна да се пече на 200 степени Ц околу 4о минути, времетраењето определете го според јачината на вашата рерна.
За сирупот: Сварете ги шеќерот и водата околу 15 мин. и оставете да се излади. Потоа со ладниот сируп прелијте ја топлата баклава. Сирупот е најдобро да го направите пред да ја правите баклавата.
Пријатно!
