Совршената комбинација на зачини го прави овој пијалок необичен. Запален оган, празнични филмови, ќебиња и варено вино додека надвор врне снег – е се’ што ви треба за зимската идила.
Доколку сте љубители на овој заживувачки пијалок, можеби ќе ве интересира начинот на кој се подготвува на далечниот север, каде што зимите се подолги и постудени.
Швеѓаните имаат посебно име за ова варено вино, тие го нарекуваат „glogg“, што во превод би значело „блескав сјај“.
Самото име може да ви каже што прави ова вино за човечкото тело. Ве грее неверојатно, а од друга страна ви го подобрува расположението.
Овој пијалок се подготвува како и другите варени вина. Уникатен е по тоа што содржи повеќе зачини, кои му даваат посебен вкус и со додавање на малку повеќе алкохол, што го подобрува неговиот вкус.
За подготовка на овој пијалок ви се потребни следниве состојки.
Состојки:
- Шише црвено вино, 1 литар
- виски или вотка, 1 и половина шолја
- Шеќер, половина шолја
- рендана кора од портокал, 2 лажици
- суво грозје, 1 лажиче
- рендан ѓумбир, 2 лажици
- Стапчњ од цимет
- Бадеми, 2 лажици
- каранфилче, 8 парчиња
- кардамон, 1 лажица
Подготовка:
Во длабоко тенџере истурете вино и друг алкохол (виски или вотка), додадете шеќер, кора од портокал, грозје, кардамон, ѓумбир, цимет и каранфилче.
Гответе на тивок оган од 2 до 5 минути. После тоа тргнете го тенџерето од оган и оставете го да отстои околу еден час.
Процедете низ цедалка или газа за да го отстраните преостанатиот зачин во покрупните парчиња, а потоа вратете го тенџерето на рингла за повторно да се загрее напитокот.
Добар апетит и уживајте во вкусот!
