За да добиете вкусен пудинг, потребно е да се користи вистински екстракт од ванила, а не негови евтини алтернативи.
Наместо кравјо млеко, пудингот може да се направи со билен пијалок од соја, кој во исто време е полн со протеини, и гарантира кремаст резултат.
Состојки:
- 500 мл соја пијалок
- 70 грама шеќер
- 3 лажици пченкарен скроб
- 1 лажица екстракт од ванила
- малку сол
Подготовка:
Во поголемо тенџере измешајте шеќер, пченкарен скроб и сол. Добро промешајте и постепено додавајте го соја пијалокот.
Додадете го пијалокот постепено, полека додека мешате постојано за да се ослободите од сите грутки. Гответе ја смесата на тивок оган околу 15 минути додека не се згусне.
Тргнете го тенџерето од оган, и додадете го екстрактот од ванила. Добро промешајте. Оставете ја смесата да се олади, па ставете ја во фрижидер два до три часа. Послужете го пудингот ладен со овошје, чоколадо и ореви по желба.
Совет плус:
Доколку сакате да го збогатите вкусот на едноставен пудинг од ванила, можете да додадете и кора од лимон или сок од бобинки за да му дадете поизразена боја.
Добар апетит!
