Медалјони од говедско месо во сос од печурки ќе ги воодушеват сите вистински гурмани.
Медалјоните од говедско месо во сос од печурки лесно се прават и се вистинско гастрономско уживање. Белото вино ќе му даде посебен вкус на јадењето, а најдобро оди со пире од компири или ориз. За да биде месото сочно и меко, не додавајте зачини на почетокот, туку на крајот од подготовката, бидејќи солта може да ја извлече влагата, па медалјоните можат да бидат суви и цврсти.
Состојки:
- 600 гр медалјони од телешки бут
- 150 гр печурки
- 2 чешниња лук
- 130 мл бело вино
- 20 гр путер
- 100 мл неутрален крем
- 1 лажица масло
- сол, бибер
Подготовка:
Во тавата ставете малку масло и пржете ги медалјоните по пет минути од секоја страна. Извадете ги во чинија и покријте ги да не се изладат. Во истото тавче додајте путер, па во него пржете ги сечканите печурки.
Додадете ситно сечкан лук, прелијте со вино и сè заедно динстајте додека не испари течноста. После тоа, истурете го неутралниот крем, вратете ги медалјоните во тавата, додадете зачини по вкус, па сè заедно динстајте уште 15 минути. Повремено мешајте и по потреба додајте малку вода. Послужете додека е уште топло со прилог по ваш избор.
Пријатно!