Ви пренесуваме рецепт за традиционална германска божиќна торта, со фино тесто од квасец и многу слатки плодови.
Состојки:
- 500 гр брашно
- 300 гр сушено овошје (суво грозје, кајсии, урми, смокви, цреши, направете микс по желба)
- 100 гр ореви (бадеми и ореви)
- 100 гр кандиран цитрус
- 300 гр путер
- 200 мл свежо млеко
- 150 гр шеќер во прав
- 50 гр мед
- 50 мл бренди
- 1 лажица смеса за зачини (ѓумбир, кардамон, каранфилче и ванила)
- 1 кесичка сув квасец
- 1 прстофат сол
Подготовка:
Сувото овошје ситно исечкајте го и прелијте со бренди. После тоа, оставете да отстои неколку часа. Загрејте го млекото и додадете 1-2 лажици брашно, мед и квасец и оставете да се „активира“ на топло. Преостанатото брашно просејте го, па додадете ги зачините.
Во центарот направете дупка во која ќе го истурите млекото со квасецот. Путерот се сече на коцки и се става околу вдлабнатините. Месете додека не се добие мазно тесто, постепено се додаваат исечените ореви и сувото овошје одвоено од течноста.
Кога тестото ќе се удвои, замесете го уште еднаш.
Обликувајте го тестото по желба и ставете го на плех обложен со хартија за печење или во калап за печење. Се остава да нарасне уште 1 час, па се пече во загреана рерна на 180 степени. По потреба за време на печењето покријте го со алуминиумска фолија за да не изгори.
Готовиот колач премачкајте го со стопен путер додека е уште топол и посипете со многу шеќер во прав.
Пријатно!