Дали сте знаеле дека празот го намалува нивото на холестеролот, го јакне имунолошкиот систем и пред се ги топи килограмите.
Токму затоа веруваме дека овој рецепт ќе ви се допадне, бидејќи не само што е благотворен, тој е и многу вкусен.
Состојки:
- 600 г компири
- 2 страка праз
- 30-40 г путер
- 1 л супа од коцка (од зеленчук)
- 100 мл млеко
- 100 мл павлака за готвење
- малку магдонос, сол, црн пипер
- 1 леб багет
Начин на подготовка:
Празот добро измијте го, исчистете го, исечкајте го на крукчиња и повторни измијте го. Компирите измијте ги, излупете ги и исечкајте ги на мали коцки.
Во подлабок сад растопете околу 30 г путер, ставете ги празот и компирот и гответе ги неколку минути. Додадете ја супата од коцка и оставете ја супата на оган околу 20 до 25 минути.
Тргнете го од оган, додадете млеко и павлака и со помош на рачен блендер испасирајте ја супата. Зачинете по желба и вратете ја на оган уште 10 минути или се додека не ја добие потребната густина.
Во меѓувреме, багет лепчето исечете го на кришки и запечете го неколку минути на грил тава. Супата сервирајте ја, а одозгора ставете неколку парчиња леб и наросете малку магдонос.
