Ова е најубавиот рецепт за превкусни кифлички со маргарин, кои се топат во уста. Брзо се приготвуваат, внатре се меки како памук а сепак имаат убава крцкава кора. Едноставно нема да може да им одолеете.
Овие кифлички може да ги направите и за време на пости доколку користите посен маргарин и да не ги премачкувате со жолчка.
СОСТОЈКИ:
- 1 кг. брашно тип 400
- 500 мл. вода
- 40 гр. свеж квасец
- 20 гр сол
- 20 гр шеќер
- 2 лажици масло
- 250 гр. маргарин
- 1 жолчка
ПОДГОТОВКА:
Во топла вода се става квасецот со шеќер и се чека да се активира.
Се додава половина од брашното и половина маргарин и се мешаат. Многу е важно маргаринот да биде на собна температура, за полесно да се соедини.
Се додава постепено и целото брашно, сол и се замесува тесто.
Се прелева со масло и се остава 5 минути да впие, па се дели на три дела. Секој се расукува во круг, а од останатиот маргарин се става по една лажица.
На првата кора се става пола од маргаринот кој остана, па се става друго тесто, повторно маргарин и на крај го ставате третото тесто.
Се прави голем круг, се сече на 4 па на 8 дела, па се прават кифлички. Се замотуваат и се премачкуваат со жолчка.
Треба да отстојат да нараснат додека се загрее рерната на 200 степени Целзиусови.
Се печат во плех со хартија, околу 20 минути.
Погледнете го видеото во прилог.
