Идеја за појадок: Виткани ѓевреци со путер!

Виткани ѓевреци со путер – меки одвнатре, крцкави однадвор.

Состојки:

• 2 јајца (одделени жолчки и белки)
• 200 мл млака вода
• 200 мл свежо млеко
• 125 мл масло
• 1 лажиче сол
• 2 лажици шеќер
• гр свеж квасец (или 2 кесички сув квасец од по 7 гр)
• 800 гр брашно

За попрскување:

• 125 гр мек путер
• 2 жолчки
• 1 лажица масло
• афион за посипување

Подготовка:

Во сад истурете млака вода и малку загреано млеко. Додадете ги маслото, солта, шеќерот, белките и квасецот. Ако квасецот е свеж, смачкајте го. Добро мешајте додека се не се раствори и добиете хомогена смеса. Започнете со додавање на претходно просеано брашно. Додадете во смесата и промешајте.

Откако тестото ќе почне да се формира во топче, истурете го на набрашнета работна површина. Месете го тестото додека не добиете меко и многу малку лепливо тесто.

Подмачкајте сад со малку масло и ставете го тестото во него. Покријте го со капак, мека крпа или проѕирна пластична фолија и оставете го тестото на топло место додека не се зголеми двојно во обем (во зависност од температурата, времето може да биде од 30 до 60 минути). Истурете го тестото над работната површина.

Со сукалка раширете го тестото на квадрат со димензии од околу 70-80 см. Намачкајте го со путер, хоризонтално поделете на три дела, но не сечете ги деловите и преклопете ги тие делови меѓу кои ќе ставите путер.

Ќе добиете тесто како долг правоаголник со 3 спратови тесто, сега тој правоаголник повторно намачкајте го со путер и преклопете на средина. Малку расукајте го тестото како квадрат со големина од околу 40-50 см.

Користете остар нож или нож за пица, исечете вертикални ленти со големина од околу 4-5 см. Можете исто така да ги направите потенки. 

Земете една лента и преклопете ја на половина. Повлечете ја лентата од двата краја за да ја издолжите до должината колку што беше пред да ја преклопите. Сега нежно извртувајте го тестото неколку пати. Завиткајте го геврекот и покријте ги краевите за да не се развиваат. Може да направите и лесен јазол

Земете голема рамна тава и покријте ја со хартија за печење.  Поставете 4 гевреци на растојание едни од други, покријте ги со мека крпа и оставете ги да одморат околу 15-20 минути. Премачкајте ги ѓевречињата со жолчки со малку масло.

Со афион посипете го местото каде што сте ги споиле гевреците (може да ги посипете и цели). Се разбира, можете да користите друг вид семе за посипување или комбинација од нив.

Печете ги ѓевреците во загреана рерна на 200 степени без вентилатор околу 20 минути, додека не поруменат.

Добар апетит!