Извиткани стапчиња со ајвар и сирење трапист.
Тестото за овие стапчиња е ФЕНОМЕНАЛНО, а рецептот е исклучително прецизен! Тоа е тесто со квасец, но кое не нараснува, т.е. не треба да се чека да порасне, туку веднаш да се започне со подготовка на стапчињата штом ќе се замеси. Како резултат на тоа стапчињата се истовремено меки и прекрасно крцкави однадвор – фантазија, со еден збор.
Ако сакате ајвар, нема ништо што нема да ви се допадне кај овие стапчиња. Само погрижете се да користите некој поквалитетен ајвар, или уште подобро домашен.
Состојки:
За тестото:
- 100 мл млеко
- 20 g (1/2 коцка) свеж квасец
- 1 лажичка шеќер
- 250 гр маргарин
- 100 гр павлака (20% масленост)
- 1 јајце
- 2-3 лажички сол
- 700 гр остро брашно
За полнење:
- 6-7 лажици ајвар
- 80 гр рендано сирење Трапист (или друго)
Повеќе:
- 1 јајце за премачкување
- сусам за посипување
Подготовка:
Измерете 700 гр брашно. Млекото загрејте го во микробранова печка или во тавче на шпорет да се загрее (не премногу), потоа додадете го квасецот и шеќерот и измешајте убаво да се раствори. Додадете 3-4 лажици брашно од вкупната количина бидејќи брашното помага за побрзо активирање на квасецот. Оставете да нарасне околу 10 минути.
Во меѓувреме, во поголем пластичен сад измешајте ги со вилушка маргаринот, павлаката, јајцето и солта на собна температура. Додадете го преостанатиот квасец и околу половина од брашното и убаво измешајте со лажица.
Потоа додадете ја преостанатата количина брашно и со рака замесете мазно тесто. Ќе добиете супер тесто кое не се лепи за раце, па нема да има потреба да додавате повеќе брашно. Работната површина веднаш посипете ја со брашно и ова тесто поделете го на 2 еднакви дела.
Со сукало развлечете ги двете теста во квадрат со димензии 35 × 35 cm, со дебелина од околу 4-5 mm. Првиот квадрат од тестото рамномерно премачкајте го со ајвар и изрендајте трапист сирење. Сега внимателно покријте го со уште еден квадрат тесто.
Нежно притиснете го ова тесто со прстите за да не остане воздух помеѓу, па земете тркалезен секач за тесто и исечете ленти широки 1-1,5 cm, а потоа хоризонтално на половина за да добиете пократки стапчиња со иста големина.
Подгответе два плехови и обложете ги со хартија за печење. Земете по една лента тесто и завиткајте го во спирала со рацете и свиткајте го во плех за печење. Кога ќе завршите со извртување на лентите во спирални стапчиња, премачкајте ги со јајце и посипете ги со сусам. Се пече во загреана рерна на 200 степени, околу 20-25 минути. Стапчињата се најдобри свежи, но одлични се и следниот ден.
Пријатно!
