Направете хранлива крем супа од тиква и морков која изобилува со витамини.
Состојки:
- 500 гр тиква
- 100 гр моркови
- 1 главица кромид
- 50 гр путер
- 500 мл вода
- 100 мл млеко
- 200 мл павлака за готвење
- 2 лажици магдонос
- пола лажиче сол
- малку црн бибер
Подготовка:
Исецкајте ги на ситно кромидот и морковите. Тиквата излупете ја, исчистете и ги семките и исечете ја на мали коцкички.
Во тавче за пржење ставете го путерот, кромидот и морковот и малку пропржете.
- Advertisement -
Потоа во тенџере ставете ја тиквата заедно кромидот и морковот и додадете ја водата.
Оставете да се вари околу 20 минути, а потоа додајте го млекото и павлаката.
Посолете и додадете малку црн бибер. Се заедно ставете во блендер и изблендирајте. Ако ви е многу густо можете да додадете малку млеко.
Добиената супа ставете ја во чинии и украсете ја со малку магдонос и павлака за готвење.
На здравје!
